Kthehu lart

Duka: “Kjo që po bën FIFA për Shaqirin e Xhakën, është sa qesharake aq edhe primitive”

Duka: “Kjo që po bën FIFA për Shaqirin e Xhakën, është sa qesharake aq edhe primitive” GazetaExpress

Ideja për inicimin e procedurës disiplinore nga FIFA për Granit Xhakën e Xherdan Shaqirin tashmë është shndërruar në temën kryesore.

Lidhur me këtë çështje ka reaguar edhe presidenti i Federatës Shqiptare të Futbollit, Armand Duka.

“Futbolli është një lojë që ka emocione të forta dhe të bukura. Në çdo ndeshje të Botërorit shikon mënyra të ndryshme të festimit të golave. Edhe Xhaka e Shaqiri festuan në mënyrën e tyre golat e shënuar. Simboli i Shqiponjës nuk është aspak një simbol i ndaluar në asnjë vend të Botës. Nuk është simbol lufte, urrejtjeje dhe diskriminimi. Kërkesa për investigim në FIFA për mënyrën e festimit të Xhakës dhe Shaqirit është, sa qesharake aq edhe primitive. Simboli i Shqiponjës në Flamurin tonë kombëtar nuk ka pse të shqetësojë askënd”!, ka shkruar Duka në profilin e tij në Facebook.

    Bëje LIKE dhe merr lajmin e fundit nga Sporti:
    Data: 24 Qershor 2018 22:50
    Autori: GazetaExpress

    Komentet

    Të tjera