Kthehu lart

Shpend Ahmeti jep një prognozë të errët për vizat

Shpend Ahmeti jep një prognozë të errët për vizat GazetaExpress

Kryetari i Prishtinës, Shpend Ahmeti, ka dhënë një prognozë të errët sa i përket hapit përfundimtar të liberalizimit të vizave për Kosovën. Ai shprehet skeptik se Kosova do të marrë përgjigje pozitive nga Këshilli i Ministrave i BE-së.

Ai ka përmenduar shtetet që dje kanë votuar kundër dhe ka dhënë propozim se ministritë tona duhet t’u kërkojnë sqarime këtyre shteteve.

Postimi i plotë i tij:

Një analizë e votimit të djeshëm të Parlamentin evropian për liberalizimin e vizave për Kosovën tregon se konsensusi në Këshillin e Ministrave të BE-së do të jetë shumë i vështirë për t’u arritur.

1. Shumica e deputetëve të Spanjës, Greqisë dhe Qipros të cilat që nuk e njohin Kosovën si shtet, edhe shumica e deputetëve të Francës dhe Holandës kanë votuar kundër.

2. Deputetët e partive të djathta (ekstreme) të cilat udhëheqin me qeveritë e Italisë, Belgjikës, Austrisë dhe Danimarkës kanë votuar kundër.

3.Duke e marrë parasysh kontekstin e zgjedhjeve evropiane të majit 2019 dhe faktin se kemi telashe me 6 nga 10 shtetet më të mëdha të BE-së, tendenca mund të jetë që vendimi të shtyhet deri pas zgjedhjeve evropiane, kur BE do të jetë edhe më e ndarë dhe më e djathtë.

Qeveria e Republikës së Kosovës, Ministria e Punëve të Jashtme dhe Ministria e Integrimeve Evropiane duhet që urgjentisht të kontaktojnë qeveritë aleate dhe qeveritë e shteteve që na kanë njohur e që kanë votuar kundër për të kërkuar votën dhe sqarime.

Partitë në Kosovë duhet të kontaktojnë urgjentisht partitë simotra në Rrjetet e tyre për të kërkuar mbështetje. Me Socialdemokratët evropianë nuk do të jetë fare problem por ne do t’i kontaktojmë për çdo rast.

    Data: 14 Shtator 2018 13:31
    Autori: GazetaExpress

    Të tjera