Kthehu lart

Deputetja e AAK'së fton viktimat e dhunës seksuale gjatë luftës të flasin sikur Vasfije Krasniqi

Deputetja e AAK'së fton viktimat e dhunës seksuale gjatë luftës të flasin sikur Vasfije Krasniqi GazetaExpress

Deputetja e Kuvendit të Kosovës nga radhët e Aleancës për Ardhmërinë e Kosovës, Time Kadriaj, ka thënë se guximi i Vasfije Krasniqi – Goodman për të folur hapur për përdhunimin që i është bërë gjatë luftës nga forcat serbe, duhet t’ju shërbejë edhe viktimave të tjera të asaj periudhe.

“I bëj ftesë prokurorisë që të merret me rastin dhe të verifikohet deri në fund. Ftoj edhe gratë tjera që kanë qenë cak i dhunës gjatë luftës që ta bëjnë të njëjtën sikur që ka vërë Vasfija. Nuk është turp që të denoncohet krimi”, ka thënë Kadrijaj.

“Kosova ka bërë një ligj dhe ai është në fuqi dhe tash veç po fillon implementimi. Është ndarë një shumë parash për personat me të cilët është abuzuar gjatë luftës si përkrahje për atë çfarë ka ndodhë. Është kompensim moral. Mentaliteti kosovar është pak paragjykues dhe ndoshta për këtë hezitojnë të flasin. Mendoj që shumë shoqata janë marrë me këtë problematik dhe janë munduar që t’i dëgjojnë hallet e tyre, por e vërteta është se ato kanë dashur të mbesin anonime. Ju bëjë apel që të marrin guximin dhe të raportojnë për gjenocidin që është bërë ndaj grave shqiptare”, është shprehur ajo në Klan Kosova.

Kadrijaj ka thënë se është skandal që njëri prej të dyshuarve se ka dhunuar Vasfije Krasniqin si 16 vjeçare, pas luftës ka punuar për 16 vjet në Policinë e Kosovës.

“Është skandal. Me çështjen e drejtësisë është marrë UNMIK DHE EULEX dhe nuk e kuptoj se si EULEX ka vepruar me një rast të tillë, duke e zvarrit në këtë formë dhe të zhvendosë nga një gjykatë në tjetrën. Rasti duhet të rihapet dhe të studojhet në detaje dhe fajtorët të dënohen”.

    Data: 17 Tetor 2018 19:30
    Autori: GazetaExpress

    Të tjera