Kthehu lart

BDI thirrje diasporës që të ushtrojë të drejtën e votës për referendumin

BDI thirrje diasporës që të ushtrojë të drejtën e votës për referendumin GazetaExpress

Bashkimi Demokratik për Integrim (BDI) përmes një kumtese për media ka ftuar diasporën për të ushtruar të drejtën e votës për referendumin të caktuar më 30 shtator të këtij viti.

“Më 30 korrik 2018, Kuvendi i Republikës së Maqedonisë, në bazë të Marrëveshjes së arritur ndërmjet Republikës së Maqedonisë dhe Republikës së Greqisë, mori vendimin për Referendumin që do të mbahet më 30 shtator 2018, në të cilin qytetarët do t’i përgjigjen pyetjes ‘A jeni për anëtarësim në BE dhe në NATO duke pranuar Marrëveshjen ndërmjet Republikës së Maqedonisë dhe Republikës së Greqisë?’. Edhe ku bashkëvendës të nderuar, që jetoni jashtë vendit, do të mund ta ushtroni të drejtën e votës në të gjitha përfaqësitë diplomatike-konsullore të Republikës së Maqedonisë në botë”, qëndron në kumtesën e BDI-së deri tek mediat.

Kjo parti, madje fton të gjithë që deri më 23 gusht të aplikohet për ushtrimin e të drejtës së votimit në faqen e internetit të Komisionit Shtetëror të Zgjedhjeve https://dijaspora.sec.mk/Default.aspx.

“Praninë tuaj në Listën e zgjedhësve mund ta konfirmoni përmes ueb-faqes së Komisionit Shtetëror të Zgjedhjeve https://izbirackispisok.gov.mk/dijaspora/. Për çdo paqartësi mund të komunikoni edhe me Shtabin e BDI-së përmes adresës elektronike [email protected]

Duke pranuar Marrëveshjen me Republikën e Greqisë ne e sigurojmë anëtarësimin me të drejta të plota të Republikës së Maqedonisë në Bashkimin Evropian dhe në NATO! Ky është moment vendimtar: Me votën tuaj vendosni për të ardhmen e vendit dhe të brezave që vijnë!”, thuhet në kumtesën e BDI-së.

    Data: 14 Gusht 2018 17:14
    Autori: GazetaExpress

    Të tjera