Kanada, hera e 13’të që shfaqet një këmbë njeriu në breg, edhe kjo me atlete


17/01/2019

Njerëzit kanë nisur të dyshojnë se bëhet fjalë për ndonjë vrasës në seri që shenjestron personat që dalin për vrap në zonën pranë. Të tjerë mendojnë se ndoshta bëhet fjalë për ndonjë grup mafioz. Por autoritetet nuk duken dhe aq të bindur se bëhet fjalë për krime.

Sipas policisë, këmbët nuk kanë shenja prerjesh, dhe gjasat janë që të jenë këputur me kalimin e kohës nga kufomat e njerëzve që hidhen nga ura “Pattullo Bridge”, ku kanë ndodhur jo pak vetëvrasje dhe trupat i ka marrë lumi, pa u gjetur dot nga autoritetet.

Në fakt, nga 13 këmbët që janë gjetur, të gjitha janë analizuar, dhe dy prej tyre u ka përkuar ADN’ja me dy persona që mendohet se janë zhdukur duke kryer vetëvrasje te ura famëkeqe.

Por as skeptikët nuk binden, pikërisht nga fakti që në të 13 rastet bëhet fjalë për këmbë, jo gjymtyrë të tjera, dhe të gjitha janë me atlete sportive.

Te fundit nga kategoria


Kthehu lart