Kthehu lart

Fushata e Selim Pacollit me shenjat “Këtu do ta bëjmë një shkollë”, si përgjigje ndaj premtimeve të parealizuara të Shpend Ahmetit (VIDEO)

Fushata e Selim Pacollit me shenjat “Këtu do ta bëjmë një shkollë”, si përgjigje ndaj premtimeve të parealizuara të Shpend Ahmetit (VIDEO) GazetaExpress

Ekipi i fushatës së Selim Pacollit në mesnatën e ditës së djeshme ka vendosur disa shenja në rrugë, përmes së cilave ka dhënë mesazhin e ndërtimit të shkollave, parqeve, parkingjeve dhe hapësirave të reja medicinale, për tu përgjigjur ndaj premtimeve të pa-mbajtura nga Shpend Ahmeti, kryetari aktual i Komunës së Prishtinës.

Pas publikimit të videos së bërë me këto porosi për qytetarët e Prishtinës, Selim Pacolli ka shkruar në faqen e tij zyrtare në Facebook.

“Po, isha unë i cili kam vendosur shenjat nëpër Prishtinë sepse është koha që politikanët të ndalen së foluri dhe një menaxher të fillojë punën. Kur të zgjedhem më 22 Tetor të gjitha këto plane do të bëhen realitet” ka thënë Pacolli.

Pano me mesazhe të tilla nga fushata e Selim Pacollit janë vendosur në shumë vende të ndryshme të Prishtinës, ndërsa kandidati i AKR-së për Kryetar të Prishtinës ka dhënë disa modele se si do të dukeshin hapësirat publike në rast se ai vjen në krye të komunës së Prishtinës.

Më shumë detaje në videon më poshtë:

    Data: 11 Tetor 2017 15:02
    Autori: GazetaExpress

    Të tjera