Olta Boka bëhet nënë, zbulon emrin dhe foton e parë të vajzës

Gazeta Express

16/07/2020 10:22

Këngëtarja Olta Boka dhe partneri i saj, sot janë bërë prindër për herë të parë. Pak orë më parë, vetë këngëtarja ka postuar foton e parë pas lindjes së vogëlushes, bashkë me mesazhin emocionues për të sapoardhurën në jetë.

“Mezi të kemi pritur Gaia Rrokaj, perëndesha e jetëve tona. Të mora në krahë dhe tek ti gjeta botën, emocionin më të madh që s’ka skenë që të mund t’i përafrohet.
Me ty u zbrit një copëz parajse dhe unë premtoj që do të kujdesem për ty siç bën Zoti me engjëjt e tij” – shkruan Olta në mesazhin e parë.

Duke falënderuar stafin mjekësor dhe të gjithë mjekët që asistuan në lindje, Olta përshëndet me imazhin e parë edhe të gjithë miqtë virtualë.