Kthehu lart

​Gazzetta dello Sport: Strakosha është gati për Buffonin

​Gazzetta dello Sport: Strakosha është gati për Buffonin GazetaExpress

E përditshmja italiane, La Gazzeta dello Sport i ka kushtuar një shkrim portierit të Lazios, Thomas Strakosha në prag të ndeshjes kundër Juventusit këtë të shtunë

“Në shtëpinë e idhullit të tij, Thomas Strakosha nuk mund të mos emocionohet kur të takojë Gigi Buffonin, i cili është shembull për të, së bashku me gjermanin Neuer, për interpretimin e rolit të portierit”, nis shkrimi i të përditshmes sportive italiane.

Kjo nuk do të jetë kjo përballja e parë e 22-vjeçarit shqiptar me Juventusin, por do të jetë e para në kampionatin italian. Strakosha ka marrë komplimentat e Buffonit pas ndeshjes Itali-Shqipëri të 24 marsit, kur debutoi në portën e kombëtares kuqezi. Ndërsa në 13 gusht e la pa fjalë Buffonin kur me Lazion fitoi Superkupën e Italisë ndaj bardhezinjve, vazhdon tutje shkrimi.
Gazeta thekson se Thomas Strakosha është një “portier i hekurt”, pasi është i vetmi nga lojtarët e Lazios që nuk ka munguar asnjë minutë në 10 ndeshjet zyrtare të këtij sezoni. Sipas saj, trajneri Inzaghi nuk ka pasur dyshime për t’ia besuar portën Strakoshës, pasi e njeh që nga Primavera dhe i vlerëson aftësinë për t’u përqendruar.
Në fund, “Gazzetta dello Sport” nënvizon se shumë të vlefshme për Thomas Strakoshën kanë qenë edhe këshillat e Foto Strakoshës, babait të tij, i cili ka qenë kapiten i kombëtares shqiptare.
“Strakosha është përgatitur për të bërë një paraqitje të mirë në shtëpinë e Buffonit. Ka si objektiv përsëritjen e suksesit të Superkupës dhe arritjes së zonës Champions me Lazion e tij”. /Express/ 

    Bëje LIKE dhe merr lajmin e fundit nga Sporti:
    Data: 12 Tetor 2017 15:55
    Autori: GazetaExpress

    Komentet

    • Ronaldo e mposhti bindshëm Messin në garën për “The Best”

      Ronaldo e mposhti bindshëm Messin në garën për “The Best” 0

    Të tjera