Kthehu lart

“Belotti do t’i bashkohet një ditë Milanit”

“Belotti do t’i bashkohet një ditë Milanit” GazetaExpress

Drejtori sportiv i Milanit beson se Belotti do t’i bashkohet një ditë klubit nga “San Siro”.

Drejtori sportiv i Milanit, Massimiliano Mirabelli, ka folur edhe njëherë për tentimin e Kuqezinjve për ta sjellë në “San Siro” Andrea Belottin.

Ai tregoi se transferimi dështoi pasi Torino kërkonte shumë para dhe në fund e blenë Nikola Kalinicin, lojtar që gjithashtu e kërkonte trajneri i Milanit, Vincenzo Montella.

“Mendoj se është normale që nganjëherë të ketë konfrontime të ideve, por kurrë asnjëherë një trajner nuk thotë se “e dua këtë dhe kjo është e gjitha”. Është e vërtetë që Montella me të vërtetë e dëshironte Kalinicin për shembull”, tha Mirabelli.

Kroati u ble për 25 milionë euro nga Fiorentina pasi Torino refuzoi 70 milionë euro për italianin e talentuar, Andrea Belotti.

“Nuk është sekret që ne u munduam ta sjellim  Belottin në Milan, por ishte lëvizje e vështirë për shumë arsye. Ai është lojtar i fortë - fans i Milanit, kjo tashmë dihet, kështu që ndoshta një ditë ai do ta veshë fanellën për të cilën ka ëndërruar si fëmijë”, shtoi drejtori i Milanit.

Nëse Milan dëshiron Belottin, duhet të paguajë 100 milionë euro, që është klauzola e italianit, në të kundërtën Torino nuk do të heqë dorë nga 23 vjeçari. /Gazeta Express/

    Bëje LIKE dhe merr lajmin e fundit nga Sporti:
    Data: 12 Tetor 2017 23:27
    Autori: GazetaExpress

    Komentet

    • ​Befason Cana: Djali im dua të luajë këtë sport

      ​Befason Cana: Djali im dua të luajë këtë sport 0

    Të tjera