Kthehu lart

Katy Perry është dhunuar nga ky producent?

Katy Perry është dhunuar nga ky producent? GazetaExpress

Beteja legale në mes të Kesha dhe Lukas Gottwald i njohur më mirë si Dr. Luke është duke vazhduar.

Ai është akuzuar për dhunim seksual, abuzim emocional,  ndërsa edhe më tutje vazhdojnë të dalin lajmet për të.

Në mes dokumenteve të shumtë që janë prezantuar për këtë padi, është një sms në të cilin Kesha siguron Lady Gagën që Dr Luke ka abuzuar seksualisht me Katy Perry.

Ky mesazh është dërguar me 26 shkurt të vitit 2016, në të cilin ajo thoshte se Dr. Luke e ka dhunuar si dhe se të njëjtën gjë e ka bërë me Kathyrn Hudson ose siç njihet Katy Perry.

Sipas dokumenteve, Perry është deklaruar për këtë padi, edhe pse nuk është bërë e ditur se çfarë ka thënë.

Në anën tjetër, Katy kurrë nuk e ka akuzuar Dr.Luke për sjellje të dhunshme, por ka shumë vite që nuk punon më me të.

Të gjitha akuzat e Keshës kundër Dr.Luke kanë dalë kundër këngëtarës, e cila ende lufton për drejtësi, edhe përmes muzikës së saj, pasi që në albumin e saj të fundit ka përfshirë shumë këngë me betejën e saj kundër Dr.Luke./GazetaExpress

    Bëje LIKE dhe merr lajmin e fundit nga Express Rozë:
    Data: 14 Qershor 2018 13:58
    Autori: GazetaExpress

    Të tjera