Kthehu lart

Tahiri: EULEX’i e përfundon mandatin në qershor të vitit të ardhshëm

Tahiri: EULEX’i e përfundon mandatin në qershor të vitit të ardhshëm GazetaExpress

Tahiri thotë se deklaratat e Simmons dëmtuan imazhin e EULEX’it.

Denoncimi i ish-kryetarit të Gjyqtarëve të EULEX’it, Malcolm Simmons, për korrupsion brenda EULEX’it e ka dëmtuar imazhin dhe misionin e këtij institucioni. Kështu thotë Ministri i Drejtësisë, Abelard Tahiri.

Tahiri tha se Misioni i EULEX’it nga qershori i vitit 2018 nuk do të jetë më pjesë e sistemit të drejtësisë së Kosovës.

“Ne po hyjmë në fazën tranzitore. Që do të thotë transferimin e të gjitha lëndëve që kanë qoftë në gjykata apo prokurori. Kjo fazë do të thotë që çdo gjë që kanë misioni i EULEX’it që ndërlidhet me institucionet e Kosovës do të barten në institucionet e drejtësisë”, theksoi Tahiri për televizionin 21.

Ministri mendon se ky mision ka ndihmuar në sundimin e ligjit në Kosovë.

“Pavarësisht akuzave për korrupsion në këtë mision, ka pasur njerëz që janë angazhuar në fuqizimin e rendit dhe ligjit në Republikën e Kosovës”, përfundoi ministri.


    Data: 24 Nentor 2017 22:27
    Autori: GazetaExpress

    Të tjera