Kthehu lart

Rexhep Selimi e quan plaçkë marrëveshjen e sotme, dyshon se dikush bëri pazar me tokën e Shtetit

Rexhep Selimi e quan plaçkë marrëveshjen e sotme, dyshon se dikush bëri pazar me tokën e Shtetit GazetaExpress

Deputeti i Lëvizjes Vetëvendosje, Rexhep Selimi ka komentuar marrëveshjen e sotme që kanë bërë partitë politike për demarkacionin. Ai ka ngritur dyshime se dikush ka bërë pazar me tokë të shtetit. Nuk ka hezituar ta quaj edhe plaçkë marrëveshjen.

“Tash po e di edhe më mirë se si na i kanë plaçkitur tokat dikur... Tash po e kuptoj edhe më shumë se si janë rritur shtetet fqinj - me tokat tona... Herë duke na i prerë e herë duke na i blerë... herë na i paskan grabitur e herë i paskemi pas shitur...”, ka shkruar Selimi.

Kurse, Kryeministri Ramush Haradinaj, në orët e vona të së shtunës, ka mbajtur një konferencë të jashtëzakonshme për media, ku zyrtarizoi arritjen e konsensusit politik me LDK-në në lidhje me çështjen e projektligjit për demarkacion me Malin e Zi.

Seanca për demarkacionin pritet të mbahet të mërkurën. Vetëvendosje ka paralajmëruar votë kundër derisa Lista Serbe nuk ka qëndrim zyrtar.

    Data: 24 Shkurt 2018 22:26
    Autori: GazetaExpress

    Të tjera