Kthehu lart

Presidenti Trump ia shqyrton licencën televizionit NBC

Presidenti Trump ia shqyrton licencën televizionit NBC GazetaExpress

Presidenti i Shteteve të Bashkuara, Donald Trump, hapi mundësinë e shqyrtimit të licencës mediatike për televizionin NBC News dhe rrjete të tjera, për shkak të raporteve, sipas tij, të pafavorshme.

NBC ka raportuar se presidenti Trump dëshiron të rrisë arsenalin bërthamor të Amerikës për gati dhjetë herë.

Trump, përmes një postimi në Twitter, tha se ky është “lajm i rremë” dhe “trillim i pastër”.

NBC ka zemëruar Shtëpinë e Bardhë edhe javën e kaluar, kur ka thënë se sekretari i Shtetit e ka quajtur presidentin “idiot”.

Duke folur më pas për gazetarët, Trump tha se nuk e ka ndërmend të rrisë arsenalin bërthamor.

Ngjashëm pohoi edhe sekretari amerikan i Mbrojtjes, James Mattis. /rel/

    Data: 13 Tetor 2017 08:05
    Autori: GazetaExpress

    Të tjera