Kthehu lart

Izraeli ende e kundërshton marrëveshjen atomike me Iranin

Izraeli ende e kundërshton marrëveshjen atomike me Iranin GazetaExpress

Kryeministri i Izraelit, Benjamin Netanyahu, e ka përsëritur kundërshtimin e tij ndaj marrëveshjes atomike me Iranin, të vitit 2015.

Gjatë një konference të sotme për gazetarë në Argjentinë, ku gjendet për vizitë zyrtare, Netanyahu theksoi se “pozicioni ynë është i sinqertë”.

“Kjo ishte marrëveshje e keqe, prandaj ose duhet të përmirësohet ose të anulohet. Ky është pozicioni i Izraelit”, tha Netanyahu.

Ai e ka akuzuar Teheranin se operon me atë që ai e ka cilësuar si “makinë terrori që e përfshinë gjithë botën, duke i operuar celulat e terrorit në shumë kontinente, përfshirë Amerikën Latine”.

Zoti Netanyahu, dje ka marrë pjesë në një ceremoni në kryeqytetin Buenos-Ajres, në Argjentinë, për t’i përkujtuar viktimat e sulmeve me bomba në Ambasadën e Izraelit, në vitin 1992 dhe në një qendër të komunitetit hebre, në vitin 1994.

Në Ambasadë ishin vrarë 29 vetë dhe plagosur 220 të tjerë, ndërsa në qendër nga eksplodimi ishin vrarë 85 vetë dhe ishin plagosur 300 të tjerë.

    Temat:
    Data: 13 Shtator 2017 15:45
    Autori: GazetaExpress

    Të tjera