Kthehu lart

Ish-këshilltari i Fatos Nanos i shkruan Haradinajt: Më bëj ministër, si Rama Batonin

Ish-këshilltari i Fatos Nanos i shkruan Haradinajt: Më bëj ministër, si Rama Batonin GazetaExpress

Emërimi i kosovarëve në postet e zëvendësministrave në qeverinë ‘Rama 2’ në Shqipëri, ka shkaktuar jo pak debat në opinionin publik.

Ish-këshilltari i Fatos Nanos, Ylli Dylgjeri, përmes një postimi në Facebook, ka bërë ironi me këtë vendim të Ramës. 

Me anë të një letre të hapur për kryeministrin e Kosovës, Ramush Haradinaj, Dylgjeri i kërkon këtij të fundit që ashtu siç bëri Rama me kosovarët edhe ai të bëjë të njëjtën gjë.

Më tej, Dylgjeri shkruan se edhe ai do të jetë në qeverinë kosovare, një ministër pa portofol por me kuletë, njëlloj si analisti kosovar Baton Haxhiu në qeverinë e Ramës.

Ja postimi i plotë i Dylgjerit:

LETËR

Shumë i ndriçuari zoti Ramush.

Duke të uruar detyrën e lartë të Kryeministrit të Kosovës më jep rastin që bashkë me Urimin të shikosh mundësinë për emërimin tim si Zv Ministër në Qeverinë Tuaj të nderuar.

Kam kryer disa fakultete përndryshe punoj për PPP-i

Të premtoj zoti Ramush se pjesëmarja ime do ju sjellë vetëm gaz në qeveri. Jo nga ai lotsjellës. Shembullin e këtij emërimi e dha Kryeministri Ynë i nderuar. 3 prej Jush sot janë në drejtimin tonë, pa llogaritur zotin Baton. Ai dihet që është Ministër pa portofol, por me kuletë.

Duke e mbyllur me modesti po pres telefonatën Tuaj.

    Data: 09 Tetor 2017 21:55
    Autori: GazetaExpress

    Të tjera