Kthehu lart

Haradinaj siguron edhe një votë për Demarkacion, Donika Kadaj rikthehet nën urdhrat e tij

Haradinaj siguron edhe një votë për Demarkacion, Donika Kadaj rikthehet nën urdhrat e tij GazetaExpress

Donika Kadaj-Bujupi është rikthyer në partinë e Ramush Haradinajt, pasi pati një kalim në Vetëvendosje. Nga kjo Qeveria siguron edhe një votë për Demarkacionin sepse Kadaj-Bujupi tashmë do të jetë pjesë e Grupit Parlamentar të AAK’së.

Kryeministri Ramush Haradinaj njoftoi përmes një postimi në Facebook se Donika Kadaj Bujupi do të jetë sërish pjesë e partisë së tij, AAK’së.

Kështu, koalicioni qeverisës e siguron edhe një votë tjetër për Demarkacion, që i bie të jetë e 79’ta e që i afrohet më shumë se kurrë ratifikimit të demarkacionit.

Deputetja Kadaj-Bujupi befasoi të gjithë me kalimin e saj në AAK, pas deklaratave të saj menjëherë pasi kishte lënë partinë e Haradinajt. Ajo me t’u bërë pjesë e Vetëvendosjes s’kishte rreshtur së akuzuar ish-shefin e saj për të cilin derdhte lot kur Haradinaj gjykohej nga Haga.

    Data: 14 Mars 2018 16:13
    Autori: GazetaExpress

    Të tjera