Kthehu lart

Greqia përkrah Serbinë në luftën kundër pranimit të Kosovës në UNESCO

Greqia përkrah Serbinë në luftën kundër pranimit të Kosovës në UNESCO GazetaExpress E premte, 21 Prill 2017 13:02

Greqia, si përkrahëse e aktivitetit të UNESCO-s për mbrojtjen e trashëgimisë, mbështet Serbinë në aktivitetin e saj, e cila po bën fushatë kundër pranimit të Kosovës në këtë organizatë.

“Në këtë kuptim jemi të interesuar për bashkëpunim në nivel ekspertësh në rimëkëmbjen e trashëgimisë kulturore, në mbrojtjen e saj”, deklaroi në një intervistë për “Politika”, ministrja greke për Kulturë, Lidia Konjord, e cila ishte për vizitë në Beograd, transmeton RTK.

Tutje ministrja greke shtoi se Serbia mund të llogarisë në ndihmën vendit të saj në UNESCO që ta mbrojë Kosovën si pjesë serbe, sidomos lidhur me objektet kulturore që ndodhen atje, të cilat, sipas gazetës ‘Politika’, shumë sish janë rrënuar viteve të fundit.

“Të bashkuar jemi më të fortë e më të kulturuar”, citohet të ketë thënë ministrja greke e Kulturës, Lidia Konjord.

Ministrja Konjord, veç tjerash, shtoi se kishte biseduar me homologun e saj, Vlladan Vukosavleviq, lidhur me vazhdimin e bashkëpunimit mes vendeve të rajonit në kuadër të bashkëpunimit të vendeve të Evropës Juglindore.

    Data: 21 Prill 2017 13:02
    Autori: GazetaExpress

    Të tjera