Kthehu lart

Me pistoletë pa leje dhe hashash në xhepa, arrestohet 28 vjeçari

Me pistoletë pa leje dhe hashash në xhepa, arrestohet 28 vjeçari GazetaExpress

Arrestohet në flagrancë një shtetas, të cili i është gjetur nje pistoletë pa leje dhe disa gramë lëndë narkotike Cannabis Sattiva.

Specialistët për Hetimin e  Krimit  në Komisariatin e Policisë   Sarandë kanë bërë kapjen dhe arrestimin e shtetasit Ylli Dalanaj, 28 vjeç, banues në Sarandë.

Arrestimi

Në lagjen “Nr. 2”, në Sarandë, Specialistët e Hetimit të Krimeve në vijim të punës për rritjen e parametrave të sigurisë, si dhe bazuar në informacionet e marra në rrugë operative, gjatë kontrollit të ushtruar  në automjetin  e  shtetasit të lartëpërmendur kanë konstatuar  një armë zjarri model “TT”, kalibër 7.62 mm dhe një krëhër me pesë fishekë në brëndësi.

Gjithashtu gjatë kontrollit fizik  këtij shtetasi i është konstatuar edhe një sasi prej 3.5 gramë lëndë narkotike Cannabis Sattiva. Arma e zjarrit,  lënda narkotike dhe automjeti  janë sekuestruar në cilësinë e provës materiale.

Materialet u referuan në Prokurori ndaj tij për veprat penale “Prodhimi dhe mbajtja pa leje e armëve luftarake dhe e municionit” dhe “Prodhimi dhe shitja e narkotikëve”, parashikuar nga nenet 278/7 dhe 283 të Kodit Penal. /Gazeta Express/

    Data: 13 Gusht 2017 12:53
    Autori: GazetaExpress

    Të tjera