Kthehu lart

Manjani: Ja pse Presidenti i Republikës i drejton negociatat, ky është roli i qeverisë

Manjani: Ja pse Presidenti i Republikës i drejton negociatat, ky është roli i qeverisë GazetaExpress

Ish- ministri i Drejtësisë, Ylli Manjani reagon në lidhje me negociatat Shqipëri – Greqi.

Ai shkruan se Presidenti i Republikës i drejton në themel negociatat, natyrisht nëpërmjet negociatorëve zyrtarë që ai cakton! Padyshim edhe me negociatorë të propozua nga Qeveria.

 Në lidhje me këtë temë sot Presidenti i Republikës, Ilir Meta nisi një seri konsultash me ish- kryetarë shtetësh si Bamir Topi apo Bujar Nishani.

Reagimi

Një sqarim kushtetues.

Ka një keqkuptim të madh me kërkesën e qeverisë për Plotfuqishmëri, që kërkon nga Presidenti i Republikës për të negociuar e nënshkruar marrëveshjen e kufirit detar me Greqinë.

Sipas Gjykatës Kushtetuese me numër 15 i datës 15.04.2010, vendim i cili është pjesë e Kushtetutës, Presidenti në këtë rast nuk lëshon thjesht një autorizim dhe rri e pret!

Presidenti i Republikës i drejton në themel negociatat, natyrisht nëpërmjet negociatorëve zyrtarë që Ai cakton! Padyshim edhe me negociatorë të propozua nga Qeveria!

Kërkohet të lidhet një marrëveshje ndërshtetërore me natyrë politike, ndaj Gjykata Kushtetuese, pra Kushtetuta, ka mandatuar Presidentin ta drejtojë këtë proces.

Pa dyshim Qeveria nuk përjashtohet, por ajo duhet thjesht në vihet në shërbim të negociatave që duhet të drejtohen nga kryetari i Shtetit.

Pra me pak fjalë, qeveria ska pse kërkon plotfuqishmëri, por të vihet në shërbim në ekipit negociator!

Kjo ështe qasja e duhur dhe korrekte me përcaktimet Kushtetuese.

Këtë sugjeron dhe vendimi i Gjykatës Kushtetuese që u inicua nga Partia Socialiste që sot qeveris e vetme.

Shpresoj që kjo gjë tashmë të mos ketë debat...

    Data: 14 Shkurt 2018 21:11
    Autori: GazetaExpress

    Të tjera