Kthehu lart

Viti i Skëndërbeut, aktivitete të shumta edhe në Maqedoni

Viti i Skëndërbeut, aktivitete të shumta edhe në Maqedoni GazetaExpress

Nën patronazhin e kreut të kuvendit Talat Xhaferi dhe nga ITKSH, ky vit do të shënohet edhe në Maqedoni.

Festimet do të fillojmë më 17 janar me akademinë solemne, promovimin e pullës postare dhe shumë aktiviteteve të tjera. Në grupin e punës, janë kyçur më shumë institucione, përfshirë TVM 2, universitetet dhe profesorë e ekspertë.

“Ky shënim fillon me 17 janar të këtij viti me Akademinë solemne dhe me promovimin e pullës postale me figurën e Skenderbeut nën përkujdesjen e Postave të Maqedonisë, promovimi i së cilës do të bëhet të mërkurën fillimisht në Maqedoni dhe më pas pason promovimi i saj në Prishtinë tek Ramush Haradinaj ku do jem dhe unë prezent dhe kështu do bëhet zbatimi i programit për shënimin e datave të vecanta dhe hapja e zbatimit të programit për shënimin e datave të veçanta dhe personaliteteve të shquara gjatë 2018”, tha Talat Xhaferi, kryetar i parlamentit.

Pas vendimit të qeverisë shqiptare për të shpallur këtë vit si vitin e Skëndërbeut, edhe në Maqedoni do të shënohen të gjitha datat e rëndësishme për shqiptarët sivjet. Manifestimet nuk do të mbesin vetëm me shënimin e përvjetorit të vdekjes së Skëndërbeut.

Do të festohet edhe përvjetori i 140 Lidhjes Shqiptare të Prizrenit, i cili gjithsesi festimin kryesor do ta ketë në Kosovë. Më vonë këtë vit, do të shënohet edhe 110 vjetori i Kongresit të Manastirit më 22 nëntor të 2018, ku padyshim që barrën kryesore të zhvillimit të Manifestimeve do të duhet ta mbajë Maqedonia. E do të jenë festimet për alfabetin e shqiptarëve ato që do të përmbyllin manifestimet grandioze për Vitin e Skëndërbeut.

    Data: 12 Janar 2018 19:18
    Autori: GazetaExpress

    Të tjera